Logg på
a  a  a |  RSS RSS |  Engelsk English |  Sámegiella Sámegiella

[Logo: Fylkestinget i Nord-Trøndelag]
Du er her:  Skip Navigation LinksOle Vig VGS > Samisk

Sámegiella

Ole Vig-en bïjre

Ole Vig jåarhke skuvle (OVVS) lea goh stoerre, aktels skuvle naa orre. Dïhte lea Noerhte-Trøndelagen mubpie stööremes skuvle, man lea medtie 230 barkijh jïh medtie 1220 learohkh jïh lohkijh daen skuvlejaepien.

Gosse golme jåarhkeskuvlh jaepien 1997 ektiedamme lij vihkeles faktovre juktie orre skuvle galka goh aktine ektievoetine jåhta. Abpe skuvlekomplekse staaren jarngesne lea ektiedamme jïh skuvlen orre reeremegåetie, kantijne jïh auditorijue. Skuvlen goevtese Sutterøyesne, gusnie transportfaage, barkoemasjinjh jïh vuajijeööhpehtimmie, lea læjhkan joe dusnie juktie desnie sijjie.

Stuerebe bïgkemeprogramme lea nænnoestamme dej båetiej jaepiej, gusnie voestes boelhken mierien lea 130 millijovnh kråvnah. Dan sisnie orre gåetiem bigkedh auditorijen luvlelen. Desnie realfaagh, molsehth ööhpehtimmien sijjie jïh skuvlereeremen jïh kontovrebarkij orre kontovrh. Desnie aaj dajven baeniestarnedïenesje (3. laptesne). Bigkeme eelki ryöjrehtimmine goeven 2008 jïh lij riejries jaepiemålsomen 2009/10. Jaepien 2009 kantijnem jïh restauranten jïh beapmoefaagen sijjiem bigkin. Jåerhke dïsse jaepeste 2010 jïh dellie sijjieh musihke jïh draama jïh service jïh samferdsel, mah maehtieh arealh åadtjodh gusnie realfaage jïh molsehth ööhpehtimmie orreme.

Orre gaarsjelimmiegåetiem aalka tjaktjen 2010 bigkedh jïh galka riejries årrodh jaepien 2011 mietie. Skuvle galka tjïelten gåetiem åtna jïh skuvlese ektie tåarjine tjatna.

Skuvlen nomme vihkeles. Ole Vig, Vikmaarkeste Stjørdaelesne, lij skuvle- jïh åålmehööhpehtsalma, jïh ööhpehtimmine gaajhkide barki. Dïhte Stjørdaelesne reakasovvi jaepien 1824. Ole Vig-en sijjesne Reeremegåetien lïhke statuem dan haemesne, gusnie seejjeme-alma, maahtojste.

Daesnie Stjørdaelesne mijjen leah guhkies histovrijen tradisjovnh, jïh Stjørdaelie lea jienebh tåvsenh jaepiej faamoejarngem orreme Tråanten mearoegaedtesne. Ij jeatjah sijjie Nordenisnie maehtieh seamma jïjnjh heallatjaaleh vuesiehtidh bronseaejkeste. Dan gaavhtan aaj golme almetjh bronseaejkien heallatjaalijste Lerfaldesne Hegresne veeljeme goh skuvlen logojne.

Ole Vig jåarhkeskuvlen leah tjïelkes ambisjovnh buerie skuvle årrodh dovne learohkidie, barkijidie jïh abpe regiojovnese.  Dejnie sov gelliebielenvoete skuvle vaajtele lïhkesvoete fïerhtide vadta jïh aaj sijjie joeketsidie jïh orre åssjalidie. Skuvlen visjovne ”skaepedidh jïh juekedh, sjïjledh jïh jieledh” dam vaajtelimmiem vuesehte. OVVS skreejrehte learohkedemokratijese jïh jïjnjh jïh hijven internasjovnellen gaskesadtemh åtna. 

 

Ole Vig VGS Besøksadresse: Ole Vig videregående skole, Gymnasgata 2, 7505 Stjørdal
Postadresse: Ole Vig videregående skole, Postboks 254, 7501 Stjørdal
Tlf: 74 11 44 00 E-post: ole-vig.vgs@ntfk.no